სხვადასხვა

წერილი მომავლის საბა მიგრიაულს …

გამარჯობა 🙂

მოგესალმები ჩემი ბლოგის ერთ-ერთო პირველო მკითხველო! 😇

დღეს 2017 წლის 25 ნოემბერია, ზუსტად 2 წლის წინ, ზუსტად ამ დღეს დაიწყო ოპერირება ჩემმა კომპანიამ, რომელიც დღემდე წარმატებით ფუნქციონირებს და სწორედ ამიტომ გადავწვიტე, რომ დღეს დამეწერა პირველი პოსტი, რადგან, ახლა უკვე ბლოგისთვის ყოფილიყო ეს დღე წარმატების ათვლის წერტილი – BlogPoint-ი.

რამდენიმე წლის წინ, ჩემმა ერთმა დიდმა მეგობარმა მკითხა, თუ როგორ წარმომედგინა ჩემი თავი 10 წლის შემდეგ და მიუხედავად იმისა, რომ არცთუ ისე ცოტა რამ ვიცოდი ინფორმაციული ტექნოლოგიების მიმართულებით, იმ მომენტში გავაანალიზე, რომ მომავალზე არანაირი წარმოდგენა არ მქონდა. თუმცა მიუხედავად ამისა, ეს კითხვა გონებაში გამიჯდა და მოსვენებას არ მაძლევდა. როგორც ზიგ ზიგლარი ამბობს:

შენ ვერ დაუმიზნებ სამიზნეს, რომელსაც ვერ ხედავ, და ვერ დაინახავ მას, თუ ის არ გაქვს

zig ziglar quote - You can’t hit a target you cannot see, and you cannot see a target you do not have

მას შემდეგ გავიდა წლები და დღეს მე ვებ დეველოპერი, ციფრული მარკეტინგის სპეციალისტი, Youtube ექსპერტი, ვიდეო ედიტორი და მრავალი სხვა სფეროს წარმომადგენელი ვარ.

და მახსოვს, 12 წლის ვიყავი როცა პირველად საკუთარ კომპიუტერთან დავჯექი და პირველი რაც გუგლში მოვძებნე იყო თუ როგორ გამეკეთებინა საიტი. ალბათ ეს იყო მომენტი, რომელმაც გადაწყვიტა ჩემი მომავალი. რთული იყო, მაშინ ჯერ კიდევ არაფერი ვიცოდი, თუმცა როცა პირველად გამომივიდა, საოცრად გამიხარდა და მეამაყებოდა რომ საიტი გავაკეთე, ხომ სულ არაფერი იყო, უბრალოდ ცარიელი საიტი, მაგრამ მაინც მიხაროდა, ჩემთვის, ბავშვურად. ამ წამიდან არ გავჩერებულვარ და ვსწავლობდი ყველაფერს, რაც კი მაინტერესებდა. პარალელურად რამდენიმე გრაფიკული პროგრამის სწავლაც დავიწყე, შემდეგ ამბიციაც გამიჩნდა, რომ ჩემი ცოდნით თანხა გამომემუშავებინა, ასე რომ შევუდექი სხვადასხვა გზის ძიებას და აბსოლუტური უმრავლესობაც შევისწავლე. ზოგმა უფრო გაამართლა, უმეტესმა მათგანმა კი ნაკლებად, Youtube კი რომელიც ერთ-ერთი პირველი იყო, დავუბრუნდი, ბევრად საფუძვლიანად შევისწავლე და კომპანიაც დავაარსე. ამავდროულად ციფრული მარკეტინგითაც დავინტერესდი და დავიწყე მუშაობა ამ მიმართულებით.

 

ვინ, როგორ და სად ვიქნები ათი წლის შემდეგ?!

არ ვიცი, ამ კითხვაზე პასუხი არც ახლა მაქვს, თუმცა იმ საბას, რომელიც 2027 წელს ამ პოსტს კითხულობს, მინდა ვუთხრა:

ჰეი, ჩვენ ორივეს გვასწავლა ცხოვრებამ, რომ არასდროს არ უნდა დავნებდეთ, რომ ყოველთვის განვაგრძოთ წინ სვლა, და თუ 10 წლის გასვლამ რაიმე შეცვალა, გახსოვდეს, რომ დაუძლეველი არაფერია და როცა ფიქრობ, რომ შეგიძლია ან არ შეგიძლია, ორივე შემთხვევაში მართალი ხარ, არჩევანს კი მხოლოდ შენ აკეთებ.

საბა მიგრიაული - ჯუთა/ჭაუხები - Saba Migriauli - Juta / Chauxebi

არ არის საჭირო მთელი კიბის დანახვა, მთავარია პირველ საფეხურს ხედავდე რუმი

 

და იმ ფაქტის გათვალისწინებით, რომ დღეიდან უკვე ბლოგერიც ვარ, თავდაჯერებულად მოგესალმებით ბლოგფოინთში 😇

 

 

საბა მიგრიაული

ციფრული მარკეტინგის სპეციალისტი, ვებ დეველოპერი, Youtube ექსპერტი, ვიდეო ედიტორი, ტრენერი და ბლოგერი

მსგავსი პოსტები

Back to top button
Close